Pripadnici Službe zaštite i spasavanja Herceg Novi danas su, u privatnoj kući u Trebesinu, uhvatili poskoka, koji spada u red otrovnica.
Kako su nam pojasnili u ovoj službi, u 14:30 su primili poziv porodice Marković da je u kuću, u kojoj živi starija žena, ušla zmija za koju se ispostavilo da je poskok, otrovnica kojoj je stanište u ovom podneblju.
-Naši pripadnici su uhvatili zmiju i opet je pustili u prirodno okruženje, samo u dijelu gdje nema kuća u blizini, iznad Kamenog. Tokom sezone imamo više ovakvih poziva građanstva, ali je u više od 90% slučajeva riječ o bezopasnim vrstama zmija. Ovog puta bilo je drugačije. Svaku životinju obavezno vratimo u njeno prirodno stanište, kazali su nam iz Službe.
